«Ўзбеккино» миллий агентлиги Бадиий кенгашининг навбатдаги йиғилиши ўтказилди. Агентлик матбуот хизмати хабарига кўра, йиғилишда янгиланган Бадиий кенгаши Низоми лойиҳаси муҳокама қилинди.
Йиғилишда Бадиий кенгашнинг 15 кишидан иборат янги таркиби тасдиқланган. Кенгашга агентлик раиси биринчи ўринбосари Шуҳрат Ризаев раис, Феруза Тўрахўжаева эса котиб этиб тайинланган.
Бадиий кенгаш таркибидан Муҳаммаджон Қуронов, Мавзур Маҳмудов, Нигора Каримова, Абдуқаюм Йўлдошев, Назар Эшонқул, Эркин Аъзам, Жаҳонгир Қосимов, Баҳром Усмонов, Жаҳонгир Аҳмедов, Рустам Саъдиев, Шуҳрат Маҳмудов, Феруза Файзиева, Мақсуд Абилов ўрин олган.
Йиғилиш якунида «Она юртнинг бағридан — зуволаси» (Ҳусан Шарипов ҳаёти ва ижодига бағишланган), «Ҳасанбой Дўстматов», «Комилжон Отаниёзов» номли ҳужжатли фильмлар ҳамда «Кенжа ботир» мультфильмининг кўриги ва муҳокамаси бўлиб ўтди.
«Кенгаш аъзолари мазкур картиналар юзасидан ўзларининг фикр ва мулоҳазаларини билдириб, муаллифларга тегишли кўрсатмалар берди», — дейилади агентлик хабарида.
Изоҳ (0)