Аҳолининг мурожаатларини инобатга олган ҳолда Тошкент шаҳар ҳокимлиги Йўловчи транспортининг барча турлари ҳаракатини лицензиялаш ва мувофиқлаштириш департаменти сентябрь ойида пойтахтда қатновни амалга оширадиган йўналишли таксиларнинг ҳаракатларига ўзгартириш ва қўшимчалар киритди, деб хабар беради «Darakchi.uz».
Жумладан, аҳоли мурожаатлари асосида айрим мавжуд йўналишлар ҳаракати қайта тикланди, айримлари узайтирилди, яна айримларининг қатнов жадваллари сони оширилди.
Шунингдек аҳолидан келиб тушган таклифлар асосида янги йўналишлар ҳаракати ташкил этилди. Хусусан, «Қорасув 6-мавзеси – Қўйлиқ М4 AШБ» йўналишида қатновчи 79М йўналишли такси ҳаракати қайта тикланди.
«Чорсу метроси AШБ – Чилонзор буюм бозори AШБ» оралиғида қатновчи 6И йўналишли такси ҳаракати Лутфий кўчасидан Муқимий, Нурафшон, Беруний, Сақичмон, Зарқайнар кўчалари орқали «Чорсу метроси» AШБгача узайтирилди.
«ТТЗ AШБ – Чилонзор буюм бозори AШБ»га қатновчи 18И ҳаракати йўловчилар ташиш узлуксизлигини таъминлаш ва хизмат кўрсатиш сифатини ошириш мақсадида, йўналишдаги жадваллар сони 12 тадан 15 тага оширилди.
«Янгиобод мавзеси AШБ – Юнусобод 19-даҳаси AШБ» оралиғида қатновчи 152А ҳаракати аҳоли мурожаатлари асосида йўналишнинг қайтиш йўналишидаги ҳаракати Оққўрғон кўчасидан Мустақиллик, Паркент кўчалари орқали кейинги ҳаракати ўз йўналишини давом эттирган ҳолда ўзгартирилди.
«Бинокор қўрғони – Дўстлик метроси AШБ» оралиғида қатновчи 183М йўналишининг тўғри йўналишдаги ҳаракати Иззат, Бешариқ кўчалари, «Авиасозлар бозори» бекати, Бешариқ, Иззат кўчалари орқали; қайтиш йўналишидаги ҳаракати Иззат, Бешариқ, Авиасозлар, Ҳосият, Иззат кўчалари орқали кейинги ҳаракати ўз йўналишини давом эттирган ҳолда ўзгартирилди.
«Авиасозлар AШБ – Қушбеги мавзеси»нинг ҳаракати 162М йўналиш таксисининг қайтиш йўналишидаги ҳаракати «Қушбеги мавзеси» бекатидан Усмон Носир-2, Шота Руставели, Бобур кўчалари орқали кейинги ҳаракати ўз йўналишини давом эттирган ҳолда ўзгартирилди.
Аҳолидан келиб тушаётган таклифлар асосида сентябрь ойида янги ташкил қилинган йўналишли таксилар рўйхати қуйидагилар:
«Авиасозлар AШБ – Чилонзор буюм бозори AШБ» оралиғида 32М янги йўналиш ҳаракати ташкил этилди. Мазкур йўналиш Тошкент шаҳри Яшнобод, Миробод ва Сергели туманлари аҳолисидан келиб тушган таклифлар асосида ташкил қилинган.
Юнусобод ва Яшнобод туманлари аҳолисидан келиб тушган таклифлар асосида 35М «Авиасозлар AШБ – Юнусобод 9-даҳаси AШБ» оралиғида қатновчи янги йўналиш такси ҳаракати йўлга қўйилди.
Изоҳ (0)