Жорий йилнинг 18—22 сентябрь кунлари бўлиб ICT WEEK Узбекистан 2017 АКТ ҳафталигида божхоначилар ҳам фаол иштирок этиб, интерактив электрон хизматлар кўрсатиш номинацияси бўйича фахрли биринчи ўринни қўлга киритди. Бу ҳақда Давлат божхона қўмитаси матбуот хизмати хабар берди.
Ўтказилган АКТ ҳафталигида божхоначиларнинг интерактив хизматлар кўрсатиш номинацияси бўйича фахрли биринчи ўринни қўлга киритишлари ҳам бежизга эмас, дейилади хабарда. Буни қуйидаги рақамлардан дарров илғаб олиш мумкин.
Хусусан, жорий йилнинг сентябрь ойи ҳолатига Ягона интерактив давлат хизматлари порталига жами 498 481 та мурожаат келиб тушган бўлса мурожаатларнинг 392 558 таси ёки қарийб 80 фоизи Давлат божхона қўмитасининг мазкур порталга жойлаштирилган хизматларига тегишлидир.
Изоҳ (0)