Ироқ Курдистонининг мустақиллиги тўғрисидаги референдумда 3,7 миллион киши овоз бериш ҳуқуқига эга. Бу ҳақда автономия олий сайлов комиссияси вакиллари маълум қилди, дея хабар беради «РИА Новости».
Сайлов комиссиясига кўра, улар Ироқ Курдистони ва ундан ташқаридаги расман автономия таркибига кирмайдиган курд туманлари аҳолисидир.
Шунингдек, Ироқдан ташқарида яшовчилар учун онлайн-овоз бериш ташкил этилди. Бунинг учун сайловчилар махсус сайтда рўйхатдан ўтиши, Ироқ фуқаролиги ва курд ҳудудларида қайд этилгани тасдиқланиши керак.
Онлайн-рўйхат якунлангани йўқ, шу сабабли овоз бериш ҳуқуқига эга сайловчилар сони ортиб бормоқда.
Изоҳ (0)