Германия парламенти сайловидаги овозларнинг ҳисоб-китобига кўра, Ангела Меркель тарафдорлари мамлакатнинг кўплаб туманларида биринчиликни эгаллади. Мамлакат шарқида уларга «Германия учун муқобил йўл» ўнг партияси номзодлари асосий қаршилик кўрсатмоқди, деб хабар берди «РБК».
ARD телеканалининг маълумотларига кўра, 75 фоиздан ортиқ участкаларда берилган овозларнинг деярли 33 фоизи амалдаги канцлер Ангела Меркель фойдасига хизмат қилган. Унинг блоки Бавария ва Баден-Вютембергдаги барча округларда ғалаба қозонди.
Иккинчи ўринда кетаётган Германия социал-демократик партияси (ГСДП) етакчидан деярли 12 фоизга ортда қолмоқда. ГСДПга асосан мамлакатнинг ғарбий қисми, Шимолий Рейн-Вестфалия ҳудудларидаги саноат шаҳарлар, шунингдек, Гамбург овоз берган.
Учинчи ўринни эса тарихда биринчи бор 12 фоиз овоз билан «Германия учун муқобил йўл» ўнг партияси эгаллади. Улар Яқин Шарқдан келган мигрантларни мамлакатдан депортация қилиш ҳамда Европа Иттифоқидан чиқиш тарафида. Партия энг катта муваффақиятга 1990 йилга қадар коммунистик ГДРнинг бир қисми бўлган ерларда эришди.
Ангела Меркель экзитполлар эълон қилингач, декбар ойида ҳукуматнинг янги таркибини маълум қилишини айтди.
Изоҳ (0)