Британия ҳукумати Европа Иттифоқидан чиқиш учун 40 миллиард фунт (54 миллиард доллар) тўлашга тайёр. Бу ҳақда қироллик бош вазири Тереза Мэйнинг Brexit борасида Флоренцияда сўзлаган нутқига таяниб, Times газетаси маълум қилди, деб хабар берди «ТАСС».
Шунингдек, нашр Брюсселдаги иккита манбасига ҳам таянган. Times ҳисоб-китобларига кўра, ушбу маблағ иккита таркибий қисмдан иборат. Биринчиси — Мэй Флоренциядаги нутқида таъкидлаганидек, Лондон маблағларни ЕИга 2020 йилга қадар мўлжалланган амалдаги бюджет даври якунлангунча тўлайди. Гап 20 миллиард фунт атрофидаги чиқимлар ҳақида кетмоқда.
Иккинчи таркибий қисмнинг ҳам миқдори деярли шунча. У Буюк Британиянинг бошқа мажбуриятлари алоҳида муҳокама қилиб олингач, узоқ йиллар давомида тўлаб борилади.
Жорий ҳафтада Financial Times газетаси Британия ҳукумати 20 миллиард евро тўлашга рози бўлиши мумкинлиги ҳақида ёзган эди, аммо нашрнинг маълум қилишича, Брюссель бундан анча кўпроғини — тахминан 100 миллиард еврони мўлжаллаган.
Изоҳ (0)