ОАВ: Россия президентлик сайловлари давомида АҚШдаги 21 штатга хакерлик ҳужуми уюштирди

АҚШ ҳукумати 2016 йилги президентлик сайловлари давомида 21 штатга Россиянинг хакерлик ҳужумлари ҳақида маълум қилди. Бу ҳақда «РБК» хабар бермоқда.

Associated Press агентлигига кўра, гап Алабама, Аляска, Аризона, Калифорния, Колорадо, Коннектикут, Делавер, Иллинойс, Аёва, Мэриленд, Миннесота, Шимолий Дакота, Оклахома, Орегон, Техас ва Вашингтон штатлари ҳақида кетмоқда.

Reuters улар қаторига Висконсин, Огайо, Флорида, Пенсильвания ва Калифорния штатлари ҳам киришини билдирди. Бу маълумотни АҚШ Ички хавфсизлик вазирлигидаги манба ҳам тасдиқлади, бироқ штатларнинг аниқ сони ва номини айтишдан бош тортди.

Висконсин электорал комиссияси маъмури Майкл Хааснинг таъкидлашича, Россия ҳукумати ёллаган хакерлар сайловчиларни рўйхатга олиш электрон тизимини кўзлаган, бироқ бунинг уддасидан чиқмаган.

Associated Press хакерлар Иллинойс штатидагина сайлов тизимига йўл тополганини даъво қилмоқда.