Режиссёр Зулфиқор Мусоқовнинг «Берлин—Оққўрғон» деб номланган фильмининг суратга олиш ишлари молиявий муаммолар сабаб вақтинча тўхтатиб қўйилди. Бу ҳақда фильм ижодий гуруҳи номидан тайёрланган баёнотни режиссёр Зулфиқор Мусоқов ўзининг Facebook’даги саҳифасига жойлади.
Ушбу эълон билан шуни хабар бермоқчи эдикки, 14 сентябрь куни «Ўзбеккино» Миллий агентлигидан «Ўзбекфильм» киностудиясига шу йил ишга туширилган бир нечта бадиий фильмларни 2018 йилнинг январь ойигача вақтинча тўхтатиб туриш тавсия этилган. Сабаби: маълум молиявий муаммолар. Бу сабабни «Ўзбеккино» раҳбарлари шахсан менга ва киностудия директорига маълум қилишди. Афсуски, вақтинча тўхтатилган фильмлар орасида бизнинг «Берлин—Оққўрғон» фильмимиз ҳам бор. Шу кунларгача ижодий гуруҳ тайёргарлик ишларини жуда катта фоизини амалга оширган эди. Барибир, ойликсиз бўлса ҳам биз ишлаяпмиз. Ниятимиз холис, худо хоҳласа 2018 йилда фильм устида ишлар бошланиб, кузда томошабинларга тақдим этамиз.Мазкур фикрларга ойдинлик киритиш, вазиятга аниқ баҳо бериш мақсадида журналист Феруз Муҳаммад «Ўзбеккино» миллий агентлиги бош директори Фурқат Зокиров билан боғланиб қуйидаги маълумотларни олди.Ҳурмат билан ижодий гуруҳ
«Ўзбеккино» миллий агентлиги томонидан бешта фильм суратга олиш бошланган, аммо ҳисобимизда фақатгина битта фильм учун етарли маблағ қолган. Шунинг учун мазкур фильмларни вақтинча тўхтатиб турдик. Йиллик давлат ҳисобидан ажратилган бюджет суратга олиш учун мўлжалланган барча фильмларни қопламас эди. Лекин мазкур фильмлар жамоасининг ишлаган даври, тайёргарлик даври, режиссёрнинг меҳнатини инобатга олган ҳолда уларнинг пулини тўлаб берамиз. Тўхтатиб қўйилган фильмлар энди суратга олинмайди деган фикрга бориш нотўғри. Янги бадиий кенгаш сценарийларни кўриб чиқиб ижобий баҳо берса, фильмларнинг суратга олиш ишлари давом этади. Уларнинг суратга олиш ишлари қай бири йил бошида, қайси бири сал кейинроқ суратга олиниши янги бадиий кенгашнинг жавобига боғлиқ бўлади... Ҳозирги кунда ҳар хил жанрдаги, тарихий, ҳарбий-ватанпарварлик руҳидаги фильмларни суратга олишимизни замоннинг ўзи тақазо қилмоқда. Айни вақтда асосий эътиборимиз шунга қаратилган.Фурқат Зокиров, «Ўзбеккино» миллий агентлиги бош директори
Изоҳ (0)