Сара Коннор ролини ижро этувчи Линда Ҳэмилтон «Терминатор»нинг олтинчи фильмида иштирок этади. Бу ҳақда режиссёр Жеймс Кэмерон маълум қилган, деб ёзмоқда Meduza.
Ҳэмилтоннинг қайтишини эълон қила туриб, «Бизда шу пайтгача экранда ёмон одамларни ўлдираётган 50—60 ёшли эркаклар бор, бироқ аёллар учун бундай мисол йўқ», — деди Кэмерон.
Терминатор ҳақидаги янги фильмда Арнольд Шварценеггернинг пайдо бўлиши режалаштирлмоқда. У фильмнинг экранларга чиққан бешта қисмидан тўрттасида иштирок этган.
Жеймс Кэмерон лойиҳа продюсери бўлади, фильмга режиссёрликни эса Тим Миллер қилади. Олтинчи «Терминатор» трилогиянинг биринчи қисми бўлиши кўзда тутилмоқда.
Фильм сюжети сир сақланмоқда, бироқ аввалроқ Кэмерон ва Миллер бу қисм «Қиёмат куни»нинг давоми бўлиши ҳақида гапирган.
Фильмда Шварценеггер ва Ҳэмилтоннинг персонажларидан ташқари янги қаҳрамонлар ҳам пайдо бўлади. Кэмероннинг сўзларига кўра, айни вақтда марказий роллардан бирига ёш актриса изланмоқда. Фильмнинг экранларга чиқиш санаси маълум қилинмаган.
Изоҳ (0)