Колумбиялик наркобарон Пабло Эскобарнинг катта укаси ва собиқ шериги Роберто Эскобар Гавирия «Нарко» сериали продюсерининг ассистентини ўлдирилишига изоҳ берди. У Netflix компаниясига суратга олиш гуруҳини ҳимоя қилиш учун киллерлар ёллашни маслаҳат берди, дея хабар қилди The Hollywood Reporter.
«Агарда сизнинг миянгиз бўлса, сизга қурол лозим эмас. Агар бўлмаса — унда керак бўлади. Бу каби вазиятда Netflix хавфизликни таъминлаш учун ёлланма қотилларни ишга олишига тўғри келади», — деди Гавирия.
Эскобарнинг укасини таъкидлашича, Netflix ёки бошқа бир кинокомпания Колумбияда унинг рухсатисиз ўзи ва акасига боғлиқ фильм олинмаслигини хоҳламоқда.
Гавириянинг сўзларига кўра, у «Нарко» фильми яратувчиларидан сериалда Эскобар исмидан фойдаланишгани учун миллиард доллар талаб қилган.
16 сентябрь куни номаълум шахс томонидан 37 ёшли Карлос Муньос Портални криминал драманинг тўртинчи мавсумини тасвирга олиш учун янги суратга олиш майдончасини топиш вақтида отиб кетилган.
71 ёшли Роберто Гавирия Эскобар империясида бош бухгалтер ва акасининг ўнг қўли бўлган. Уни 1993 йилда ҳибсга олишган. 2003 йилда озодликка чиққан Гавирия Escobar Inc. компаниясига асос солган.
Изоҳ (0)