Ўзбекистон бош вазири Абдулла Арипов ва «Лукойл» президенти Вагит Алекперов Ҳисор конлар гуруҳини ишга тушириш тантанали маросимида иштирок этди. Бу ҳақда компания матбуот хизмати маълум қилди.
Россия компанияси «Жануби-Ғарбий Ҳисор» лойиҳаси доирасида йилига 4,4 миллиард куб метр газни комплекс тайёрлаш қурилмаси, газни бошланғич тайёрлаш қурилмаси ва 6 та газ тўплаш пунктини фойдаланишга топширди.
Объектларнинг ишга туширилиши Ҳисор конлар гуруҳида газ ишлаб чиқаришни лойиҳада кўзда тутилган йилига 5 миллиард куб метрга чиқариш имконини берди.
«Лукойл» матбуот хизматига кўра, компания хорижда қазиб оладиган табиий газнинг ярмидан ортиғи Ўзбекистон ҳиссасига тўғри келади. Жорий йил сентябри ҳолатига компания лойиҳалари доирасида мамлакатда қазиб олинадиган газ миқдори 45 миллиард кубометрга етди.
Изоҳ (0)