Шимолий кореялик гимнаст О Юн Хек Москва Катта циркидаги чиқишидан сўнг оламдан ўтди. Бу ҳақда «Москва» агентлиги хабар бермоқда.
«О Юн Хек 16 сентябрь куни ‘Идол’ халқаро фестивалида ‘6 сальто мортале’ трюкини ижро этаётганида умуртқа бўйин қисмини жароҳатлади. У биринчи гал Гиннес рекордлар китобига кирган трюкни муаммосиз ижро этганди, бироқ сифатсиз бажарилган ҳисоблаб, қайтаришга қарор қилганди», — дейди цирк матбуот котиби Алёна Лебедь.
Гимнастга циркда ўша заҳоти тез тиббий ёрдам кўрсатилди ва қисқа муддатда шаҳар касалхонасининг реанимация бўлимига етказилди. Операция ўтказилди, бироқ жароҳатларнинг жиддий асорати оқибатида О Юн Хек 20 сентябрь куни вафот этди.
Изоҳ (0)