Москванинг Домодедово аэропортидан 15 километр узоқликда Airbus A380 самолётининг ҳалокатга учрашига бир баҳя қолди. Ҳодиса 10 сентябрда юз берган. Бу ҳақда Reuters хабар берди.
Avia Herald порталининг маълумотларига кўра, Дубайдан учиб келаётган Emirates авиакомпаниясига тегишли самолёт аэропортнинг учиш-қўниш йўлагига кириш олдидан 120 метргача пасайган. Бу ҳолатдаги меъёрий баландлик 600 метрни ташкил қилади. Шундан сўнг самолёт яна кўтарилган ва қўниш учун қайтадан айланиб келган, бироқ бу уриниш ҳам муваффақиятсиз бўлган. A380 учинчи уринишда қўнишга муваффақ бўлган.
Ҳодиса юз берганда самолёт бортида 426 нафар йўловчи бўлган, улардан ҳеч ким жабрланмаган.
Жиддий ҳодиса сифатида тавсифланаётган мазкур ҳолат БААнинг фуқаролик авиацияси бошқармаси томонидан ўрганилмоқда.
Изоҳ (0)