Таймс-сквердаги меҳмонхоналардан бирида Туркия президенти Ражаб Тоййиб Эрдўғон иштирокидаги тадбирда юз берган ҳодисадан сўнг, Нью-Йорк полицияси 21 сентябрь, пайшанба куни беш кишини қўлга олди, деб ёзади «ТАСС». Улар давлат раҳбари қўриқчилари томонидан қўпол муомала қилинганидан шикоят қилди.
Туркия-Америка ноҳукумат миллий қўмитаси тадбирида Туркия президенти нутқ сўзлаётган пайтда бир киши ўрнидан туриб, «Террорчи!» — дея бақирган, иккинчиси эса Курдистон Ишчилар партияси байроғини кўтарган. Қўриқчилар иккала эркакни ҳам тутиб, залдан чиқариб кетган.
Қўлга олинганлардан бири — Сурияда курд исёнчилари сафида ИШИДга қарши курашган америкалик Роберт Ренас Амос айтиб беришича, у тўрт сафдоши билан ўтган йили курдлар томонида туриб жанг қилган АҚШ фуқароси Майкл Исроилнинг ҳалокатига қарши норозилик белгиси сифатида акция уюштирган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)