2017 йил 20 сентябрь куни Ўзбекистон Республикаси Адлия вазирлигининг ташаббуси билан Юристлар малакасини ошириш марказида «Ҳуқуқий ахборотни тарқатиш ва ундан фойдаланишни таъминлашнинг ҳуқуқий асослари» мавзусида семинар ташкил этилди. Бу ҳақда ҳуқуқшунос Хушнудбек Худойбердиев ўз блогида маълум қилди.
Семинарда норматив-ҳуқуқий ҳужжатларни чоп этишнинг расмий манбаи мақоми берилган «Lex.uz» миллий базасида кутилаётган ўзгаришлар ҳақида ҳам маълумот берилди.
Хусусан, 25 сентябрдан «Lex.uz» мутлақо янги ва қулай дизайнда ишга тушади, қонун ҳужжатлари лотин графикасида ҳам эълон қилинади, хорижий инвесторлар томонидан энг кўп талаб этиладиган 16 та кодекс (яъни барчаси) ва 40 та қонунлар инглиз тили версиясида чоп этилади.
Шунингдек, бундан буён янги қабул қилинган норматив ҳужжатлар бир кун муддатда «Lex.uz» сайтида Pdf форматида жойлаштирилади ҳамда норматив-ҳуқуқий ҳужжатларга кирган ўзгаришлар уч кун ичида сайтда акс этади.
Изоҳ (0)