Давлат ҳокимияти ва бошқаруви органлари фаолиятининг очиқлиги мониторингини олиб бориш ва уни баҳолаш жамоатчилик кенгаши 2017 йил биринчи ярим йиллиги натижаларини эълон қилди. Бу ҳақда ЎзА хабар бермоқда.
Кенгаш қарорига кўра, рўйхатга киритилган 85 вазирлик, қўмита ва идоралар ўртасида ўтказилган Очиқлик индексида Ўзбекистон Республикаси Марказий банки 2-ўринни эгаллади.
Очиқликни белгилаш «Давлат ҳокимияти ва бошқаруви органлари фаолиятининг очиқлиги тўғрисида»ги Қонунга биноан ишлаб чиқилган уч компонент асосида олиб борилади:
Давлат органи фаолиятининг очиқлигини таъминлашга масъул бўлган субъектлар фаолиятини баҳолаш (раҳбарлар ва ахборот хизматлари фаолияти бўйича);
Очиқликни таъминлашнинг аниқ усуллари самарадорлигини баҳолаш (расмий веб-сайтнинг фаолият юритиши, ахборот стендлари ва бошқа техник воситалар ёрдамида ахборот тақдим қилиш, ахборот олиш бўйича сўровларнинг кўриб чиқилиши, очиқ ҳайъат мажлисларида ахборотдан фойдаланувчиларнинг иштирок этишини таъминлаш, ахборотларни ахборот-кутубхона ва архив фондлари орқали тақдим этиш):
Ахборотдан фойдаланувчиларнинг қаноатланганлик ҳолатини баҳолаш (ахборотдан фойдаланувчилар орасида ижтимоий сўров ўтказиш йўли билан баҳоланади).
Мазкур кўрсаткичлар бўйича Марказий банк 95 балл тўплашга эришди. Рейтингда 96 балл билан Давлат солиқ қўмитаси етакчилик қилди.
Изоҳ (0)