Шу пайтгача экспорт бобида етакчилик қилган Россия ва Эрондан етказиладиган маҳсулотлар ҳажми камайиши асносида икра бозорига Япония, Исроил ва хусусан, Хитой чиқиб келмоқда. Бу ҳақда Insider Pro хабар берди.
«Хитой икраси экспорти санкциялар оқибатида Эрон ва Россиядан маҳсулот етказиб берилиши чеклангани туфайли кўпчиликка жуда қўл келади. Аксарият ресторанлар Хитой икрасини яхши сифати, етарлича захираси ва мў’тадил нархи учун харид қилади», — дейди Chinа Market Research Group бошқарувчи директори Шон Рейн.
Шанхайдан 300 мил жануби-ғарбда жойлдашган ва йилига 60 тонна маҳсулот тайёрлайдиган Kaluga Queen компанияси дунёдаги йирик икра ишлаб чиқарувчи корхона саналади. Унинг энг харидоргир Husо Hybrid икрасининг 30 граммли банкаси 210 доллар туради.
«Биз учун энг катта тўсиқ — Хитой егуликлари хавфсизлигига ишонч даражасининг пастлигида», — дейди маркетинг бўйича менежер Лилли Лью. Шу сабабли ҳозиргача компания маҳсулотларига «Хитойда ишлаб чиқарилган» деган ёрлиқ қўйилмайди.
2006 йилда илк туркум сотилганидан сўнг Kaluga Queen доимий харидорларга эга бўла бошлади. Ҳозирда унинг мижозлари қаторида Париждаги Мишленнинг уч юлдузига эга бўган 26 ресторандан 21 таси ва Нью-Йоркдаги Ле Бернардин ресторанини санаш мумкин. Қолаверса, Kaluga Queen 2016 йилда G20 саммитига маҳсулотини етказиб берганди.
Маълумот учун, Lufthansa авиакомпанияси Хитой икрасини биринчи тоифа йўловчиларига таклиф этмоқда.
Изоҳ (0)