Швейцариянинг Женева кантони прокуратураси 100 минг евро миқдордаги пулни унитазга тушириб юборган кишиларни аниқлади. Бу ҳақда Женева кантони прокуратурасининг матбуот котиби Винсент Деруанга таяниб, «РИА Новости» хабар берди.
Унинг сўзларига кўра, агар пуллар қонуний равишда қўлга киритилган бўлса, аёлларга ҳеч қандай жазо берилмайди. Чунки Швейцарияда пулларга зарар етказиш жиноят ҳисобланмайди.
«Агар пуллар ноқонуний фаолият билан боғлиқ бўлса, бу бошқа масала. Айни вақтда аёллар айбдор ҳисобланмайди. Бироқ уларнинг адвокати аллақчон полиция томонидан эшитилган», — деб қўшимча қилди матбуот котиби.
Бир неча ой олдин UBS Group AG молиявий холдингининг Женева бўлимидаги банк ғазнаси ёнидаги ҳожатхонада 500 евролик банкнотлар топилган. Бир неча кундан сўнг купюралар яқин атрофда жойлашган Café du Centre ва Molino ресторанларининг ҳожатхоналарини ифлослантирган. Кўплаб купюралар қайчилар билан кесилган эди.
Муассасалар қувурларни тозалатиш учун сантехника хизматларига минг франк тўлаган. Шундан сўнг Швейцария прокуратураси нима учун номаълум киши унитазга ўн минглаб еврони тушириб юборганини ўрганиш учун тергов бошлаган.
Винсент Деруаннинг таъкидлашича, банк ва ресторан томонидан канализация тизимини тозалатиш учун қилинган харажатларининг бир қисми компенсация қилинган — испан аёлларнинг адвокати муассасалар билан боғланган ва уларга тўлов таклиф қилган.
Изоҳ (0)