MMA йўналишида ўз ўрнига эга бўлган ўзбекистонлик Мурод Хонтўраев сўнгги икки ойда икки жанг ўтказди. Спорт журналисти Аҳмад Эшматов спортчи билан учрашиб, суҳбатлашди. Суҳбат «Оламспорт» нашрида чоп этилди.
Қисқа муддат ичида 2 та жанг ўтказилгани MMA мухлислари томонидан кенг муҳокама қилинди. Боиси Хонтўраев улардан бирида имкониятни бой берди.
Бу фикр ўзимдан чиққанди, рақиб томон ҳақида гап-сўз бўлиши ҳам мумкин эмас. Қозоғистондаги жангдан сўнг мураббийим билан маслахатлашиб, яқин орада ўтадиган энг катта мусобақада иштирок этишни режага киритгандик. Рақибим кикбоксинг бўйича уч карра жаҳон чемпиони Қайрат Эрбўлатов бўлиши керак эди. У бироз бетоб бўлгани боис, жанг 6 октябрга қолдирилди. Мен эса Хасиков билан жанг олиб бордим.Хонтўраев жанглар олдидан спортчиларнинг ўзини тутиши борасидаги саволга ҳам жавоб берган. Хусусан, Хасиков вазн ўлчаш маросимида ўзини енгил томондан намойиш қилиб, Муродга нисбатан ҳурматсизлик кўрсатганди.Бунгача Проценкодан мағлуб бўлганимга келсам, аввало бу спорт, унда шундай натижалар ҳам учраб туради. Лекин мағлубиятнинг ўзига яраша сабаблари ҳам бўлади. Жангдан бир кун аввал иссиғим 39 га чиқиб кетди. Дори-дармон, укол қилиб, жанга қадар тикланишга улгурдим. Лекин куч-қувватим барибир мукаммал кўринишда эмасди. Бу билан ўзимни оқламоқчи эмасман. Ютқаздимми, демак тан олишим керак. Шунчаки, ўша куни имкониятим даражасида жанг олиб бора олмаганимни изоҳламоқчиман, холос.
Мурод Хонтўраев, MMA жангчиси
Номи чиқмаган спортчилар жангдан аввал хурмача қилиқлар кўрсатиб, ўз имиджини кўтаришга ҳаракат қилади. Мухлислар эътиборига шу йўл орқали тушишни мақсад қилади. Ваҳоланки, эҳтимолий мағлубияти кейинчалик кулгуга сабаб бўлади. Агар тўполон қилмасдан, рақибига ҳурмат билан ёндошса, мағлубияти ҳам табиийдек кўринади. Йўқса, ҳар қандай мухлис «боринг шу экан, нега чиранасан» дейиши аниқ, тўғрими?Мен бу каби майнавозчиликларга жиддий қарамайман. Ким бўлишидан, нима қилишидан қатъий назар, рақибларимни ҳурмат қилган ҳолда октагонга чиқаман.
Мурод Хонтўраев, MMA жангчиси
Михтибек Мамасолиев билан жанг ҳақидаги саволга Хонтўраев қуйидагича жавоб берди:
Михтибек Марказий Осиё миқиёсида ўз ўрнига эга, номдор спортчи. Барчасига ўзининг ҳаракати, меҳнати орқали эришган. У билан жуда қадрдонмиз. Охирги жангимда ҳам эътибор берган бўлсангиз, октагонга тушиб биринчилардан табриклади. У билан жанг қилишга тўғри келса, ўша вақтда биз рақиб бўламиз. Жангдан сўнг яна дўстларга айланамиз. Мен шундай ўйлайман.Машҳур Александр Емельяненкога қарши Мурод Хонтўраевнинг жанг ўтказиши борасида ўз вақтида гап-сўз бўлган. Кейинроқ бу каби фикрлар анча йўқолиб қолган бўлса-да, Хонтўраев келажакда рақиби билан албатта тўқнаш келишига ишонишини айтди.Мурод Хонтўраев, MMA жангчиси
Устозим Нодир ака Қодиров бошчилигида спорт формам мукаммал вақтида жуда кўп музокара олиб бордик. Аввал ҳам айтиб ўтганман, унинг қамоққа олиниши натижасида бу жанг бўлмаганди. Ҳозир эса бир нима деёлмайман. Лекин мухлисларни ишонтириб айта оламанки, Александр Емельяненко, Кенни Гарнер каби номдор спортчилар билан албатта учрашаман.MMAнинг тажрибали спортчиси сифатида Мурод Хонтўраев ўзидан кейин жангчига айланган Нурсултон Рўзибоев, Маҳмуд Муродов, Анвар Бойназаров кабиларга маслаҳат берди.Мурод Хонтўраев, MMA жангчиси
Балки кулгули туюлар, лекин мазкур спортчи укаларимзнинг баъзи-бирлари мендан кўп жанг ўтказган, менга нисбатан яхши натижаларни қайд этган. Буни тан олишим керак.Лекин шуни қўшимча қилмоқчиманки, мен жанг қилган Константин Ерохин, Евгений Ерохин, Муҳаммад Ашуб даражасидаги жаҳон юлдузлари билан улар тўқнаш келиб улгуришмади. Учрашишсин, улардан ҳам кучлироқлари билан жанг қилиб, ғалаба қозонишсин, мен бунга тилакдошман.
Анвар, Нурсултон, Маҳмуд — юқори савиядаги жангчилар, улар яқин келажакда улкан натижалар қайд этишига шубҳа йўқ. Маҳмуд Муродов Bellator билан шартнома имзолаётганини эшитдим, унга омад ёр бўлсин! Умуман, ватанимиз шаънини ҳимоя қилаётган ҳар бир спортчимизни Яратганнинг ўзи қўлласин!
Мурод Хонтўраев, MMA жангчиси
Ўзбекистонлик спортчи асосан, Қозоғистон, Қирғизистон, Россия каби мамлакатларда жанглар олиб борди. Bellator ёки UFC ҳақида ўйлаш фурсати етмадими?
МДҲ мамлакатлари орасида MMA пойтахти аввал Қозоғистон бўлса, яқин икки йилда бу мақом Қирғизистонга кўчди. Бу мамлакатлар юқори савиядаги мусобақаларни ташкил қиляпти. Биз улардаги жангларда иштирок этишни хурсандчилик билан қабул қилиб келганмиз.UFC, Bellator борасида эса ҳозир бир нима дея олмайман. WFC, VEF, Fingt-Ningt йўналишларида агар жароҳатлар безовта қилмаса, ҳар ойда биттадан жанг қилишни мақсад қилганман.
Мурод Хонтўраев, MMA жангчиси
Мурод Хонтўраев фаолияти давомида Юрий Проценко ва Давид Швелидзе каби жангчиларга имкониятни бой берди. Олдинда реванш бўлиши мумкинми?
Проценкога жангдан сўнг 2 ҳафта ичида реванш ўтказиш таклифини айтганман. Лекин мураббийлари ва промоутерлари рад жавобини берди. Швелидзега бир неча маротаба таклиф қилдим. Лекин ҳар сафар бунга рози бўлмаган.Швелидзе билан бўлган жангимни ўзингиз гувоҳи бўлгансиз, менга бирор марта ҳам зарба бера олмаганди. Агар ўзимнинг ноқулай ҳаракатим туфайли жароҳат олмаганимда, бу жангни ютишим юз фоиз аниқ эди.
Мурод Хонтўраев, MMA жангчиси
Александр Столяров, Азамат Баҳодурзода, Амин Эргашев кабилар билан муносабат ҳақида:
Улар яқин дўстларим бўлади. Азамат Баҳодурзода эса укамиз. Уларнинг баъзилари билан ҳаваскор спортда дуч келганмиз. Баъзан менинг қўлим баланд келган, баъзида улар зафар қучган. Юртимиз баҳодирлари деганда, шу йигитлар кўз олдимга келади.MMA қолган спорт турларидан катта фарқ қилади. Унда адашиб қолганлар ёки бир умрга ҳасталаниб қолганлар ҳам бор. Сўзининг якунида Мурод Хонтўраев бу спорт турига қизиқаётган ва унга киришни мақсад қилган ёшларга маслаҳат берди.Мурод Хонтўраев, MMA жангчиси
Ёшларимиз шуни тушунишга ҳаракат қилишсин, ҳеч қачон мураббийни норизо қилиб, бирор бир натижа қайд этиб бўлмайди. Нафақат мураббий, промоутери, бир сўз билан айтганда жамоасига қарши бориб, фақатгина ўзига зарар қилади. Дарахт бир жойда кўкаради, деган нақл бор. Шундай экан, турли ваъдаларга учмай, унинг учун жон куйдирган инсонлар билан ҳамкорлик қилсин!Мурод Хонтўраев, MMA жангчиси
Изоҳ (0)