Ўзбекистон футбол федерацияси Самвел Бабаян миллий терма жамоа бош мураббийлиги вазифасидан озод этилганини маълум қилди. Баёнот матни қуйида ҳеч қандай ўзгаришларсиз берилмоқда.
Самвел Бабаян ва унинг штаби жаҳон чемпионатига чиқиш вазифасини уддалай олмади. Шу муносабат билан Ўзбекистон миллий терма жамоасининг мураббийлар штаби бутунлай тарқатиб юборилади. Миллий терма жамоаннинг кейинги тақдири ҳақидаги янги маълумот навбатдаги баёнот орқали оммага эълон қилинади.Эслатиб ўтамиз, Ўзбекистон миллий терма жамоаси Жаҳон чемпионати йўлида охирги икки учрашувда керакли натижага эга чиқа олмай, Россияда бўлиб ўтадиган мундиалдан қуруқ қолди.Ўзбекистон футбол федерацияси жаҳон чемпионати йўлланмасини қўлга киритган Эрон ва Корея терма жамоаларини табриклайди ва уларга кейинги ўйинларда омад тилайди.
Ўзбекистон футбол федерацияси жаҳон чемпионати саралаши давомида тўхтовсиз равишда қўллаб-қувватлаганлиги ва миллий терма жамоага доимий равишда далда бериб турганлиги учун миллий терма жамоанинг мухлисларига чексиз миннатдорчилик изҳор қилади.
ЎФФ баёноти
Изоҳ (0)