Ўзбекистон Республикаси Президентининг «Валюта бозорини либераллаштириш шароитида иқтисодиёт таянч тармоқларини давлат томонидан қўллаб-қувватлашнинг биринчи галдаги чора-тадбирлар тўғрисида»ги қарори қабул қилинди. Бу ҳақда Norma хабар бермоқда.
Мазкур ҳужжат билан «Ўзбекнефтгаз», «Ўзбекэнерго» ва «Ўзкимёсаноат» акциядорлик жамиятларининг Ўзбекистон тикланиш ва тараққиёт фонди кредитлари бўйича мажбуриятлари реструктуризация қилинди. Асосий қарз, фоиз тўловлари, шунингдек, 1 сентябрь ҳолатига муддати ўтган қарздорликни сўндириш муддати 4 йилга кечиктирилди.
«Ўзбекнефтгаз», «Ўзбекэнерго», «Ўзкимёсаноат» ва «Ўзкимёҳимоя» акциядорлик жамиятлари таркибига кирувчи корхоналарнинг умидсиз дебиторлик ва кредиторлик қарзлари ҳисобдан чиқарилади.
Шунингдек, 2016 йилда тугатилган фермер хўжаликларининг хизмат кўрсатувчи тармоқлар олдидаги қолдиқ қарзлари ҳам ҳисобдан чиқарилади.
Жорий йил 10 сентябрдан бошлаб мамлакат бўйлаб аҳолига сотиш учун суюлтирилган газга бир хил нарх ўрнатилади.
Маълумот учун, суюлтирилган газ аҳолига 1994 йилдан бери шартномавий (эркин) нархларда сотилаётганди.
Изоҳ (0)