Ўзбекистон Президенти Шавкат Мирзиёев ва Қозоғистон президенти Нурсултон Назарбоев 2017 йил ҳисобидан турли тадбирлар, саммитлар ва давлат ташрифлари доирасида етти маротаба учрашди. Президентлар 4 марта Қозоғистонда, бир мартадан Хитой, Саудия Арабистони ва Ўзбекистонда учрашди.
1-учрашув
Шавкат Мирзиёев 22—23 март кунлари давлат ташрифи билан Қозоғистонга ташриф буюрди.
Президентлар MEGA Silk Way савдо марказининг расмий очилишида иштирок этди ва уни кўздан кечирди.
2-учрашув
29 апрель куни Шавкат Мирзиёев амалий ташриф билан Қозоғистоннинг Жанубий Қозоғистон вилоятига ташриф буюрди.
Президентлар Caspian Food виночилик корхонасида бўлди. Уларга узум, ёнғоқ ўтқазиш ҳудудлари намойиш этилди.
3-учрашув
11 май куни Хитойга давлат ташрифи билан борган Шавкат Мирзиёев 14—15 май кунлари Пекиндаги «Бир макон, бир йўл» форумида Қозоғистон раҳбари билан кўришди.
4-учрашув
20—21 май кунлари Саудия Арабистонида бўлган Ўзбекистон Президенти Шавкат Мирзиёев 21 май куни араб-мусулмон мамлакатлари ва АҚШ саммитида Нурсултон Назарбоев билан учрашди.
5-учрашув
8—9 июнь кунлари Остонада ўтказилган ШҲТ саммити доирасида Ўзбекистон ва Қозоғистон Президентлари учрашди.
ШҲТга аъзо давлатлар раҳбарлари «Остона опера»даги концертни томоша қилди.
Шунингдек, Шавкат Мирзиёев Остонадаги ЭКСПО-2017 нинг очилиш маросимида ҳам иштирок этди.
6-учрашув
10 сентябрь куни Остонада Ислом ҳамкорлик ташкилотининг Фан ва технологиялар бўйича биринчи саммитида Ўзбекистон ва Қозоғистон раҳбарлари учрашди.
7-учрашув
16 сентябрь куни Қозоғистон президенти Нурсултон Назарбоев давлат ташрифи билан Ўзбекистонга келди.
Ташриф давомида икки давлат 10 дан ортиқ ҳужжат имзолади.
Ўзбекистон ва Қозоғистон Президентлари ўртасида бўлиб ўтган учрашувда Шавкат Мирзиёев Нурсултон Назарбоевга унинг «XXI аср бўсағасида» номли китобининг ўзбек тилида чоп этилган нусхасини совға қилди.
Шунингдек, Шавкат Мирзиёев Қозоғистон президенти Нурсултон Назарбоевни икки мамлакат ўртасидаги алоқаларни ривожлантиришга қўшган ҳиссаси учун «Эл-юрт ҳурмати» ордени билан тақдирлади.
Изоҳ (0)