Ироқ жанубидаги Дир-Кар вилоятида содир бўлган иккита теракт оқибатида 74 киши ҳалок бўлди, яна 93 киши жароҳат олди. Бу ҳақда Ғарб ОАВларига таяниб, «Корреспондент.net» хабар берди.
Уюштирилган теракт бўйича барча масъулиятни ИШИД ўз зиммасига олди.
Нашрнинг аниқлик киритишича, ҳарбийлар кийимини кийиб олган жангарилар йўл бўйидаги кафега кирган ва ҳаммани ўққа тута бошлаган. Шундан сўнг улар турли машиналарга ўтириб, Дир-Кар ва Мутанна вилоятлари ўртасидаги назорат-ўтказиш пунктига йўл олган — у ерда жангарилар автомобиллардан бирини портлатиб юборган.
RT телеканалининг хабар беришича, террорчилар уч ёки тўрт киши бўлган. Уларнинг икки нафари назорат пункти ёнида портлаган автомобиль ичида ҳалок бўлган. Телеканалнинг такидлашича, қурбон бўлганларнинг аксарияти зиёратчилар бўлиши мумкин.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)