Америка маъмурияти АҚШ Конгрессида тайёрланган, Фаластин ҳукумати исроилликларга ҳужумларда айбдор бўлган шахсларнинг оилаларига пул тўлашни бас қилмагунича, унга ёрдам кўрсатишни тўхтатиб туришни кўзда тутувчи қонун лойиҳасини қўллаб-қувватлайди. Бу ҳақда АҚШ Давлат департаменти вакили маълум қилди, деб ёзади «ТАСС».
«АҚШ президенти Дональд Трамп Исроил ва Америка фуқароларига нисбатан зўравонликни рағбатлантирувчи ушбу дастурнинг барча қисмларини тўхтатиш зарурати ҳақидаги масалани президент Маҳмуд Аббос билан Вашингтонда ва Вифлеемда бўлиб ўтган учрашувларда кўтарган эди», — деди у.
АҚШ ҳокимиятининг ижро этувчи тармоғи қонун лойиҳасининг боришини «диққат билан кузатмоқда» ва ушбу ҳужжат «якуний шаклига киришига қараб» Конгресс билан ишлашга тайёр, деди дипломат.
Изоҳ (0)