Биз билмаган факт: Ravon Nexia бошқа давлатларда қандай марка остида сотилади

Айрим автомобиль ишлаб чиқарувчилар янги моделни яратишдан кўра, бошқаларга тегишли бўлган маҳсулотни ўз номи остида чиқаради. Бу каби ҳолатлар янги бозорларга чиқилаётганда ёки банкротлик хавф солаётганида учраб туради. «Novate» нашри ўзга белги остида чиққан энг омадсиз моделлар ҳақида маълумот тўплаб тақдим этди.

Chevrolet Aveo

1980 йилларнинг охири 90 йиллар бошларида Ford ҳамда General Motors Осиё бозорлари учун «махсус» автомобилларни чиқара бошлаган: Daewoo LeMans ва Ford Aspire. 2002 йилда Chevrolet Daewoo Kalos номи билан машҳурликка эришган янги Aveo моделини тақдим этди. Ушбу машинани ишлаб чиқариш 2011 йилда тўхтатилганига қарамай, у лицензия асосида бутун дунё бўйлаб ишлаб чиқарила бошланган. Aveo/Kalos’ни Ravon Nexia (Ўзбекистон, Россия), ZAZ Vida (Украина), Suzuki Swift+ ва Pontiac Wave (Канада), Pontiac G3 (АҚШ ва Канада), Holden Barina (Австралия ва Янги Зеландия), Chevrolet Lova (Хитой), Chevrolet Cobalt (Бразилия) номи остида савдога чиқарилган.

Lexus ES250

1989 йилда Toyota имконсиз ишни амалга оширди: у Mercedes S-Class, BMW 7 серияси ва Jaguar ХJ’дан қолишмайдиган Lexus LС400 моделини чиқарди. Lexus’нинг навбатдаги автомобили EС250 модели бўлган. Умуман олганда бу спорт седани сифатида сотишга ҳаракат қилинган оддий Toyota Camry эди.

Sааb-Lancia 600

Saab концерни италянларнинг Lancia компанияси билан ҳамкорликда 1979 йилда Lancia Delta’ни тақдим этди. У ралли пойгалари учун мўлжалланган афсонавий Integrale номи билан машҳур.

Cadillac Cimarron

Америкаликлар 80 йиллар охирида BMW’га қарши Cadillac Cimmaron автомобилини яратган эди. Бироқ у кутилганидек муваффақият қозонмаган.

Yugo GV

Yugo — бу Zastava Koral серб автомобилининг АҚШда сотувга чиққан савдо маркаси.

Kia Elan

Британия автомобиль ишлаб чиқарувчи компанияси 1989 йилда ишлаб чиқарилган Lotus Elan’ни Kia’га сотиб юборган. Kia Elan 1996—1999 йиллар оралиғида Осиёда сотилган.

Aston Martin Cygnet

Aston Martin 2012 йилда Cygnet хэтчбекини чиқара бошлаган. Аслида эса бу Toyota iQ машинаси бўлиб, янги белги остида чиқарилган.