Доғистоннинг Бабаюрт қишлоғида Милана Юсупова исмли тўққиз ёшли қизча ёнаётган квартирага кириб, у ердан беш ва олти ёшли икки нафар болани олиб чиқди. Бу ҳақда «ТАСС» хабар берди.
Учинчи синф ўқувчиси бўлган бу қизча уйнинг иккинчи қаватидан чиқаётган тутунни кўрган, кейин эса ёрдамга чақираётган болаларнинг овозини эшитган.
«Мен учун жуда қўрқинчли бўлган бўлса ҳам, ўша уйга кирдим. Ичкарига киргач, қизларни чақирдим. Улар мени эшитди ва олдимга келди. Шундан сўнг мен уларнинг қўлидан ушладим ва ташқарига томон юрдим. Уйим яқинига келгунча шу тариқа юрдик», — деб ҳикоя қилган тўққиз ёшли қизча.
Ҳодиса санаси, ёнғин сабаби ва оқибатлари ҳақида хабар берилмаган. Қизча онасининг топшириғига биноан қандайдир нарса олиб келиш учун қўшнисиникига борган маълум, холос.
Ўқувчи қизга Россия ФВВ томонидан «Жасорат юлдузлари» фестивалида мукофот топширилади.
Изоҳ (0)