Жорий йил 20—21 сентябрь кунлари «Ўзекспомарказ» МКМ павильонларида Марказий Осиё давлатлари ўртасида биринчи бўлиб Ўзбекистонда Central Аsiа Rоbоt Challengе (CАRC) робототехника бўйича мусобақа бўлиб ўтади. Мусобақа ICTWEEK Uzbekistan – 2017 АКТ ҳафталиги доирасида ўтказилади, деб хабар берди ЎзА.
Ушбу мусобақа Ўзбекистон Ёшлар иттифоқи ва Ўзбекистон Фан ва технологиялар агентлиги томонидан ташкил этилмоқда.
Қозоғистон, Қирғизистон ва Туркманистондан ташриф буюрадиган робототехника ихлосмандлари икки ёш тоифаси – 10 ёшдан 14 ёшгача ҳамда 15 ёшдан 25 ёшгача бўлган гуруҳларда ғолиблик учун куч синашади. Улар «шорт-трек», «чизиқлар бўйлаб пойга» ҳамда «робо-сумо» сингари уч йўналишда баҳслашади.
Турнир спорт ва таълим робототехникаси, илмий-техник ижоднинг янада оммалашиши ҳамда ёшлар орасида муҳандислик касби нуфузининг ортишига хизмат қилади.
Изоҳ (0)