Ўзбекистонда конверсион карталардан чет элга валюта ўтказиш имконияти яратилади. Бу ҳақда Ўзбекистон Республикаси Марказий банкининг биринчи ўринбосари Тимур Ишметов журналистлар учун ўтказилган брифингда маълум қилди.
Унинг сўзларига кўра, Марказий банкка кўплаб фуқаролар мурожаат қилиб, хорижий давлатлардаги яқинларига нақд пулни жўната олмаётганини таъкидлаган. Фуқаролар чет эллардаги яқинларини молиявий жиҳатдан қўллаб-қувватлаш мақсадида хорижий валюта жўнатишда бир қанча қийинчиликларга дуч келган.
Мазкур мурожаатларни инобатга олган ҳолда, яқин кунларда Ўзбекистонда фаолият юритаётган бир нечта тижорат банклари ўз мижозлари учун конверсион картадан бошқа картага пул маблағларини ўтказиш хизматини йўлга қўяди.
Банк мижозлари конверсион карталардаги маблағларни бир-бирига ёки чет давлатдаги яқинларининг шахсий картасига жўнатиши мумкин бўлади.
Ҳозирча айнан қайси банклар мазкур хизматни йўлга қўйиши номаълум.
Изоҳ (0)