Ўзбекистон Республикаси Марказий банки бугун, 14 сентябрь куни Media Hall NAESMI’да «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги Ўзбекистон Республикаси Президентининг фармони ижроси юзасидан брифинг ўтказди. Брифингда банк ходимлари журналистларни қизиқтирган саволларга жавоб берди.
Жумладан, Ўзбекистондаги валюта айрибошлаш шохобчаларида аҳолига хорижий валютани нақд пулда сотиш қачон бошланиши ҳақидаги саволга Ўзбекистон Республикаси Марказий банки раисининг биринчи ўринбосари Темур Ишметов қуйидагича жавоб берди:
«Мазкур масала ечимига доир аниқ сананини ҳозирча айтолмайман. Бироқ бир неча ойдан сўнг биз бу қадамни ҳам ташлаймиз, деб ўйлайман. Биз ‘етти марта ўлчаб, бир кесиш’ тамойили бўйича ҳаракат қилмоқдамиз. Бунинг ҳаммаси иқтисодиётга таъсир қилиши мумкин. Биз эса бу операция муайян бир шахсга кераклигига қараб эмас, балки бу ҳаракат иқтисодиётга қандай таъсир кўрсатишидан келиб чиқиб, қарор қабул қиламиз».
Изоҳ (0)