Марказий банк: Ўзбекистонда валюта сотиш эҳтиёжи уни сотиб олишга бўлган талабдан юқори

5 сентябрдан бошлаб жисмоний шахслар—Ўзбекистон резидентлари учун валюта айрибошлаш шохобчаларида валютани эркин сотиш ва тижорат банкларининг конверсион бўлимларида халқаро тўлов картасига тушириш йўли билан валюта сотиб олиш тизимини ишга туширди. Ўзбекистон Республикаси Марказий банки раисининг биринчи ўринбосари Тимур Ишметовнинг ОАВ ходимлари учун ташкил этилган брифингда маълум қилишича, 5—14 сентябрь кунлари фуқаролар 200 миллион доллар миқдоридаги хорижий валютани валюта айрибошлаш шохобчаларига топширган.

«Валюта айирбошлаш шохобчаларида валютани эркин сотиш ва сотиб олиш тизими ишга тушган санадан бугунга қадар яъни салкам 10 кун ичида жисмоний ва юридик шахслар 200 миллион доллардан ортиқ валютани сотган. Ўз навбатида банклар томонидан 100 миллион доллардан ортиқ маблағ жисмоний ва юридик шахслар томонидан сотиб олинган. Айни вақтда валютани сотиш эҳтиёжи уни сотиб олиш талабидан юқори. Бироқ, валютани сотиб олиш талаби ҳам секин-аста ортмоқда», — дейди Марказий банк раисининг биринчи ўринбосари.