Успенский номидаги Республика махсус мусиқий академик лицейининг скрипка йўналиши бўйича бешинчи синф ўқувчиси, 11 ёшли дирижёр Асадбек Аюбжонов Москва давлат симфоник оркестри билан «Россия» телеканалида эфирга узатилган «Ғаройиб одамлар» кўрсатувида чиқиш қилди, деб ёзади «MyDay».
Шунингдек, Асадбек Ўзбекистон давлат консерваторияси профессори, Ўзбекистонда хизмат кўрсатган ёшлар мураббийи В.Б.Неймернинг симфония дирижёрлиги синфида ҳам таҳсил олади.
Асадбек нафақат Ўзбекистондаги, балки бутун дунёдаги энг ёш дирижёрлардан бири ҳисобланади. Таниқли дирижёр Владимир Теодорович Спиваковнинг шахсан ўзи термизлик иқтидор эгаси Асадбек Аюбжоновни бир неча марта «Москва дўстларни чорлайди» халқаро фестивалига таклиф этган.
Изоҳ (0)