Голливуднинг машҳур актрисаларидан бири Сандра Буллок халқаро Қизил Хоч қўмитасига бир миллион доллар хайрия қилишга ваъда берди. Актриса ушбу ҳаракати билан «Харви» тўфонидан Техасда жабр кўрганлар учун ёрдам кўрсатиш нияти. Бу ҳақда Fox News’га таяниб, «Forum Daily» хабар берди.
«Оскар» мукофотига лойиқ дея топилган Сандра Буллок 2001 йилдан бери турли табиий офатлардан жабр кўрганларга ёрдам кўрсатиш мақсадида Қизил Хочга 5 миллион доллар хайрия қилган.
«Бу ажойиб совға. Биз жуда ҳам миннатдормиз. Ақл бовар қилмас ёрдамларни қабул қиладиган вақт ҳам келди. Айниқса, офат пайти одамлар Техасда нималар содир бўлаётганини кўрмоқда ва биз улар билан биргамиз», — деди Қизил Хоч штаб-квартирасининг алоқа бўйича вице-президенти Элизабет Пенниман.
Сандра Буллок 2005 йилда «Катрина» тўфонидан сўнг Қизил Хочга хайрия қилган миллион долларидан ташқари мактабни қайта тиклаш учун 25 минг доллар тақдим этган. Шунингдек, у 2011 йилда Японияда зилзила ва цунами оқибатларини бартараф этишга ҳам миллион доллар хайрия қилган.
Изоҳ (0)