«Истиқлол» санъат саройининг директори Исроил Ғуломов журналист Феруз Муҳаммадга интервью берди.
Сарой директори суҳбат давомида «Миллион» жамоасининг 2017 йил апрель ойидаги концерти вақтида сарой балконида икки йигитнинг жой талашиб кўтарган жанжалига ҳам тўхталиб ўтди.
«Миллион» жамоаси концерти вақтида ёшлар балконда жой талашиб уришиб қолган. Бир йигит ўз жойини қидириб, жойига ўтираётганда, бошқа бир йигит «Нега менинг юзимга фонар тутаяпсан?», деб уришиб кетган. Милиция ходимлари иккисини ҳам ажратиб, уларнинг устидан иш қўзғади.Бу нима деган гап, ўзини кўрсатишми бу? Аввало бундай болаларга ота-онаси яхши тарбия берган бўлиши керак. «Истиқлол» санъат саройи улар тартибсизлик қиладиган жой эмас-ку!
Тўрт мингга яқин одамнинг кўнглини олишимиз керак. Ҳар хил одам, ҳар хил томошабин бор. Аввало шундай тартибсиз ёшларимизда концертга келиш, саройда ўтириш ва концерт томоша қилиш маданиятини кўтариш керак.
Исроил Ғуломов, «Истиқлол» санъат саройининг директори
Изоҳ (0)