Бирлашган миллатлар ташкилоти Ямандаги урушлар мобайнида тинч аҳоли вакиллари ўртасида 5144 та ўлим ҳолатини қайд этди. Бу ҳақда Женевада бўлиб ўтган бирифингда БМТнинг инсон ҳуқуқлари бўйича олий комиссари Зайд Раад ал-Ҳусайн маълум қилди, деб ёзади «Корреспондент.net».
БМТ маълумотларига кўра, аксарият инсонлар Саудия Арабистони бошчилигидаги коалициялар томонидан берилган авиазарбалар оқибатида ҳалок бўлган. Зайд Раад ал-Ҳусайн мазкур фактлар юзасидан зудлик билан текшириш ишлари ўтказиш лозимлигини қўшимча қилди.
У, шунингдек, Яманда 2017 йилнинг апрелидан буён 650 мингга яқин киши вабо билан оғриганини маълум қилди.
Ямандаги қуролли зиддият 2014 йилнинг мартидан бошлаб давом этмоқда. Исёнчи хусийлар Саудия Арабистони бошчилигидаги коалиция кучларини қўллаб-қувватловчи президент Абд Раббо Мансур Ходининг армиясига қаршилик кўрсатади.
Мамлакат ҳудудининг бир қисми «Ал-Қоида» террорчилари томонидан назорат қилинади.
Изоҳ (0)