Молия ва Иқтисодиёт вазирликлари ҳамда Давлат солиқ қўмитасининг қўшма қарори билан Тошкент шаҳридаги кичик саноат зоналари иштирокчилари бўлган корхоналарга имтиёзлар қўллаш тартиби ҳақидаги низом тасдиқланди. Бу ҳақда Norma хабар бермоқда.
Ўзбекистон Президентининг «Тошкент шаҳрида кичик саноат зоналари ташкил этиш тўғрисида»ги қарорига мувофиқ, мазкур ҳудудларда жойлашган бизнес субъектлари мол-мулк, юридик шахслар даромад солиғи ҳамда ягона солиқ тўловидан озод этилади.
Низомга кўра, юқоридаги солиқ имтиёзлари қуйидаги шартларга риоя этилган тақдирда қўлланади:
Кичик саноат зонаси иштирокчиси томонидан энг кам иш ҳақининг камида 3000 баробари миқдорида инвестиция киритилганда;
Иштирокчи томонидан йил якуни бўйича энг кам иш ҳақининг камида 2000 баробари миқдорида соф фойда олинганда.
Қайд этиш жоизки, ишлаб чиқарилган маҳсулотлар сотувида экспорт улуши камида 30 фоизни ташкил этганда солиқ имтиёзларининг қўлланиши қўшимча 2 йилга узайтирилади.
Изоҳ (0)