Вазирлар Маҳкамаси қарори билан «Ўзбекконцерт» давлат муассасаси низоми, марказий аппарати ва ҳудудий бўлинмалари тузилмаси тасдиқланди. Бу ҳақда Norma хабар бермоқда.
«Ўзбекконцерт» давлат муассасасининг асосий вазифалари сифатида қуйидагилар белгиланди:
Мамлакатда концерт-томоша ва гастрол фаолияти соҳасида ягона давлат сиёсатини юритиш;
Мамлакат ҳудуди ва ундан ташқарида концерт-томоша ва гастрол фаолиятини ташкил этиш ва мувофиқлаштириш;
Ёш истеъдодли ижрочиларни аниқлаш ва қўллаб-қувватлаш, юксак бадиий савиядаги мусиқа асарлари, қўшиқлар ва видеоклиплар яратилишини таъминлаш ва рағбатлантириш;
Миллий маданият ривожида рақс, хореография ва опера санъати, ансамбл ва оркестрлар ролини ошириш.
«Ўзбекнаво» эстрада бирлашмаси томонидан берилган концерт-томоша фаолияти учун лицензиялар ва концерт-томоша тадбирлари учун бир марталик рухсатномалар муддати якунлангунча амалда бўлади ва уларни қайта расмийлаштириш талаб этилмайди.
Изоҳ (0)