Ўрта Осиёнинг йирик маиший техника ишлаб чиқарувчиси Artel компаниясини дунё тан олмоқда.
Artel компанияси ташкил топганига қисқа муддат бўлишига қарамасдан, маиший техника ва электроника маҳсулотларининг йигирмадан ортиқ турини ишлаб чиқаришни йўлга қўйган. Жумладан, телевизор, музлатгич, совутгич, чанг ютгич, ошхона плиталари, кир машина, уяли алоқа воситалари ва бошқа маиший техника воситаларини чуқур маҳаллийлаштириш асосида ишлаб чиқариш амалга оширилмоқда.
Компаниянинг ишлаб чиқариш заводларида Artel маҳсулотлари билан биргаликда, дунёнинг Samsung, Shivaki, Royal ва Avalon брендлари остида, ушбу чет эл компанияларининг техник талаблари асосида ҳам маиший техника воситалари ишлаб чиқарилади.
Компания томонидан ишлаб чиқарилаётган маҳсулотлар сифат даражаси ва дизайн кўрсатгичлари бўйича жаҳоннинг етакчи ишлаб чиқарувчи компанияларининг маҳсулотларидан қолишмайди.
Компаниянинг ишлаб чиқариш заводлари сифат менежменти бўйича ISO 9001:2008 сертификатларига ва Европанинг сифат талабларига бўйича EAC, CЕ (Conformité Européenne — «европейское соотвецтвие») сертификатига эга эканлиги Artel томонидан ишлаб чиқарилаётган маҳсулотларнинг сифат ва бошқа кўрсатгичларига тўлиқ жавоб беришини ёрқин мисоли ҳисобланади.
Artel компанияси томонидан ишлаб чиқарилган маҳсулотлар республиканинг ички бозори билан биргаликда, чет элга ҳам экспорти амалга оширилмоқда. Жумладан, Artel маҳсулотлари бугунги кунда Россия, Украина, Қозоғистон, Қирғизистон, Афғонистон, Тожикистон, Озарбайжон, Грузия давлатларига экспортга жўнатилмоқда. Чет давлатларида Artel маҳсулотлари йирик маиший техника воситалари савдоси билан шуғулланувчи Элдорадо, ТехноДом, ТехноСила, Сулпак каби савдо тармоқларида истеъмолчиларга сотилмоқда.
Компаниянинг экспорт салоҳияти 2016 йилда, олдинги йилга нисбатан беш баробарга ошганлигини кузатиш мумкин. Жорий 2017 йилда ушбу кўрсатгични компания янада оширган ҳолда, 30 миллион долларга етказишни ўз олдига мақсад қилиб қўйган. Шу билан биргаликда, келажакда экспорт географиясини янада кенгайтирган ҳолда, нафақат МДҲ давлатларига балки, Шарқий Европа ва узоқ чет эл давлатларига ҳам маҳсулот экспортини амалга ошириш мақсад қилинди ва Artel компаниясининг Қозоғистон, Қирғизистон, Тожикистон, Россия ва Озарбайжонда ташкил қилинган савдо уйларининг талабига асосан 2019 йилда 150 миллион доллар миқдоридаги маҳсулотлар етказиб бериш бўйича шартномалар тузиш бошлаб юборилди.
Компания қошида маҳсулотларнинг янги дизайн ва турларини яратиш билан шуғулланувчи илмий-изланиш ва тажриба-конструкторлик маркази (Research and Development) ташкил қилинган бўлиб, ушбу марказда республиканинг иқлим шароитлари, истеъмолчилар талаблари асосида маҳсулотларнинг янги турлари яратилади ва ишлаб чиқаришга жорий қилинади.
Республикамизда ҳукуматимиз томонидан ишлаб чиқарувчи тадбиркорларга яратилган кенг имкониятлардан унумли фойдаланган ҳолда, Artel компанияси маиший техника ва электроника маҳсулотлари ишлаб чиқариш соҳасида маҳаллий ва чет эллик тадбиркорлар, бизнесменларни ва янги ғоя эгаларини Artel компаниясида мавжуд имконият ва ишлаб чиқариш кучларидан фойдаланган ҳолда амалга оширишга чорлайди.
Artel томонидан ишлаб чиқарилаётган маҳсулотларни дунё ҳамжамиятига кенгроқ танитиш ва Made in Uzbekistan ёрлиғи остидаги миллий маҳсулотларни дунё бозорларига олиб чиқиш компаниянинг асосий мақсад ва ғояси ҳисобланади.
Компания фаолияти тўғрисида батафсил маълумотни +998 (71) 150-99-88 телефон рақамидан ёки http://artelgroup.org сайтидан олишингиз мумкин.
Реклама ҳуқуқи асосида!
Изоҳ (0)