Ўзбекистон банкларининг капитали, юқори валюта кредит портфели кўрсаткичлари туфайли, сўмнинг девальвацияси салбий оқибатидан ҳимояланган. Fitch агентлигининг ҳисоботида қайд этилишича, миллий валютанинг қўққисдан қадрсизланиши, катта ҳажмда АҚШ доллари номиналидаги маблағга эга ҳамда валюта кредитлашда юқори улушга эга банкларнинг капиталига ўртамиёна таъсир кўрсатади, деб ёзади «Kommersant.uz».
Ўзбекистоннинг давлат банклари (Ўзсаноатқурилишбанк, Асака, Микрокредитбанк ва Агробанк) мунтазам равишда давлат капитали билан қўллаб-қувватланади. Шунингдек уларга рекапитализация дастурига кўра, Тикланиш ва тараққиёт жамғармаси ҳамда Молия вазирлигидан 500 миллион доллар ва 1,2 триллион сўм маблағ ажратилган.
«Катта миқдордаги доллар маблағи давлат банкларида миллий валютанинг келгуси девальвацияси вазиятида капиталнинг рағбатлантирилишини кучайтириши лозим», — дейди Fitch мутахассислари.
Изоҳ (0)