Ўзбекистон миллий терма жамоаси бош мураббийлигидан истеъфога чиқарилган Самвел Бабаян ўзининг сўнгги матбуот анжуманида мухлислардан узр сўрамагани айтилганди. «Интерфутбол» нашри бу кемтикни тўлдириш учун, Самвел Бабаян билан боғланди.
Айтилишича, Бабаян интервью бериш масаласидаги таклифга ўз одатига кўра жавоб берган ва уни кейинроққа қолдирган. Шунингдек, дил изҳорларини футбол ишқибозларига етказиб қўйишни илтимос қилган.
Авваламбор, мухлислар ишончини оқлай олмаганим учун улардан кечирим сўрамоқчиман. Ўтган йиллар мобайнида мураббийлар штаби билан бирга имкониятимиз даражасида катта ҳажмдаги ишларини амалга оширишга ҳаракат қилдик.Хусусан, терма жамоа бир аҳил оилага айланди. Бизнинг асосий мақсадимиз уни ЖЧга олиб чиқиб, жонажон Ўзбекистонимизда ҳам футбол ўйнай олишларини, бу спорт турини яхши кўришларини намойиш этиш ва шу орқали юртимиз довруғини янада кўтариш эди.
Мен шу ўринда бизга етарли шарт-шароитларни яратиб берган ЎФФ президенти Мираброр Усмоновга миннатдорчилик билдирмоқчиман. Биз турнирни жуда яхши бошгандик ва гуруҳдаги икки турдан сўнг гуруҳ пешқадамига айлангандик. Терма жамоадаги ишга бошқача ёндошув керак, унинг ихтисослиги бошқача.
Натижа футболчилар соғлиги қандай экани ва уларнинг ўз вақтида терма ихтиёрига етиб келишига боғлиқ. Афсуски, икки турдан кейин етакчиларимиз жароҳат олиши ёки терма ихтиёрига оптимал формада келмаслиги натижасида таркибда юқотишларга учрадик. Баъзи ўйинларда шахсан менинг хатоларим туфайли ҳам очколар юқотдик.
Шу билан бирга бизга кўплаб ўйинларда омад етишмади. Сўнгги дақиқларда ўтказиб юборилган голлар фақат йўқ қўйилган хатолар эвазига эмас, балки омад деган нарсага ҳам боғлиқ бўлди.
Нима бўлганда ҳам мазкур босқичда иштирок этган футболчиларимиздан иборат жамоа ЖЧда иштирок этишга лойиқ эди. Мен ишонманки, бизнинг бош жамоа ЖЧ финал босқичида қатнашади. Бунинг учун бизда иқтидорли футболчилар жуда кўп.
Шу ўринда мухлисларга икки йил мобайнида ва сўнгги тургача қўллаб-қуватлагани учун катта раҳмат айтаман. Термада ишлаш ҳар қандай мутахассис учун катта фахр, шу билан бирга у катта жавобгарлик ва масъулият юклайди. Худо ҳақи, шахсан мен бутун вужудим билан шу ишга ўзимни бағишлагандим.
Бизга эзгу мақсад сари, яъни, ЖЧ финал босқичи учун биттагина гол етишмади, холос... Биз мундиалга чиқиш учун, мухлисларимизни бахтиёр қилиш учун барча ўйлаган ишларимизни қилдик, аммо... Мен яна бир карра улардан узр сўрайман ва терма жамоамизни кейинги ўйинларда ғалаба қозониб, уларга фақат қувонч ва бахт олиб келишини тилаб қоламан.
Самвел Бабаян, мураббий
Изоҳ (0)