Энг машҳур сериалларнинг актёрлари битта эпизодда суратга тушгани эвазига қанча гонорар олади? (фото)

AdMe дунёга машҳур сериалларда бош ролларни ижро этувчи актёрлар қанча миқдорда гонорар олиши борасида маълумот тўплаб тақдим этди.

Supernatural

Supernatural сериалидаги Дин Винчестер ролини ижро этадиган актёр Женсен Эклс ҳар бир қисмда ўйнагани учун 175 минг доллар гонорар олади. Унинг ҳамкасби Жаред Падалеки эса Сэм ролини ижро этгани учун 125 минг доллар олади.

Мodern Family

Жули Боуэн, Тай Баррелл, Жесси Тайлер Фергюсон, Эрик Стоунстрит ва София Вергара Modern Family сериалининг ҳар бир қисмида ижро этган роли учун 250 минг доллардан гонорар олади.

Big Little Lies («Катта-кичик ёлғон»)

Big Little Lies («Катта-кичик ёлғон») сериали яратувчилари Риз Уизерспун ва Николь Кидманга ҳар бир эпизодда рол ижро этгани учун 350 минг доллардан тўлайди.

Grey’s Anatomy

Актриса Эллен Помпео Grey’s Аnatomy сериалининг ҳар бир қисмида Мередит Грей ролини ижро этгани учун 400 минг доллар гонорар олади.

Homeland («Ватан»)

Homeland сериалининг бош рол ижрочиси Клэр Дэйнс биргина эпизодда суратга тушиш учун 450 минг доллар олади. Суратга олиш ишлари бошланганида Клэр ҳар бир эпизод учун 250 минг доллар гонорар олар эди.

House of Cards («Қартали уй»)

Кевин Спейси ушбу сериалнинг битта қисм бош қаҳрамонни жонлантириши учун 500 минг доллар олади. Аввалига унинг ҳамкасби Робин Райтга Кевиндан 80 минг доллар камроқ тўлашар эди, бироқ ўтган йилнинг баҳорида у гонорарини кўтаришга муваффақ бўлди.

Gilmore Girls

Gilmore Girls сериалининг бош қаҳрамонлари Лорен Грэм ҳамда Алексис Бледел ҳар битта эпизодда суратга тушгани учун 750 минг доллар олади. Бу сериалнинг 2000 йилда чиққан биринчи қисмидаги гонорардан 15 баробар кўп демакдир.

Тhе Big Bang Theory

2017 йилга қадар ушбу сериалда бош ролларни ижро этган Жим Парсонс, Жонни Галэки, Кейли Куоко, Саймон Хелберг ва Кунал Найяр ҳар битта эпизод учун 1 миллион доллардан олар, уларнинг ҳамкасблари Маим Бялик ва Мелисса Ройчга эса 200 минг доллардан гонорар тегарди.

2017 йилда бош рол ижрочилари ўз шартномаларини ҳамкасблари фойдасига қайта кўриб чиқди. Натижада бош ролни ижро этадиган бешта актёр ҳар бир эпизод учун 900 минг доллардан, Бялик ва Ройч эса 450 минг доллардан олдиган бўлди.

Game of Thrones («Тахтлар ўйини»)

Машҳур сериалнинг беш нафар актёри телевидение тарихида энг кўп маош оладиган инсонларган айланди. 7-мавсум суратга олинишидан олдин британиялик актёрлар Эмилия Кларк, Кит Харингтон ва Лина Хиди, шунингдек, америкалик актёр Питер Динклейж ва даниялик юлдуз Николай Костер-Валдау янги шартнома имзолади, унга кўра юқоридаги актёрларнинг ҳар бири сериалда ижро этган биргина эпизоди учун 2,5 миллион доллар миқдорида гонорар олади.