Техасда «Харви» тўфони қурбонлари сони камида 70 кишига етди. Бу ҳақда «РИА Новости» хабар бермоқда.
Олдинроқ тўфон туфайли 60 киши ўлгани билдирилганди.
Табиий офат оқибатида ҳалок бўлганлар штатнинг 13 та округида қайд этилди. Бундан камида 30 нафари Харрис округига тўғри келмоқда.
«Харви» АҚШ ҳудудига ёпирилган охирги 12 йил мобайнидаги энг вайронкор тўфон бўлди. 2005 йилда «Катрина» довули Луизиана штатида Янги Орлеан шаҳри сув остида қолишига сабаб бўлганди.
Изоҳ (0)