Бирлашган Араб Амирликларининг Абу-Даби шаҳрида уч нафар ёш бола бир ўртоғини қутқармоқчи бўлиб, фермадаги кўлга чўкиб кетди, деб ёзади UAE Inside. Уларнинг икки нафари ака-ука бўлган.
Жабрланувчиларнинг ота-оналари сўзларига кўра, болалар Ал Баҳиа туманидаги фермада катта кўл ёнида ўйнаган. Улардан бири кўлга жуда яқин келган ва оёғи сирпаниб, сувга тушиб кетган.
Сув ҳавзаси чуқурлиги 1,5 метрга, узунлиги 30 метрга, кенглиги эса 10 метрга тенг бўлган. 10, 11 ва 12 ёшли болалар дўсти чўкиб кетаётганини кўргач, уни қутқариш учун бирма-бир унинг ортидан кўлга туша бошлаган.
Қутқарувчилар қисқа муддатда етиб келиб, биринчи ёрдамни кўрсатганига қарамай, болалар ўзлари зудлик билан етказилган касалхонада вафот этди.
Изоҳ (0)