«АҚШдаги энг жирканч одам» деб аталаётган тадбиркор Мартин Шкрели 2 миллион долларга сотиб олинган Wu Tang Clan альбомини сотмоқда, деб ёзади «Газета.ru».
Шкрели Once Upon a Time in Shaolin ёзилган CD’ни eBay сайтида сотувга қўйди. Бу тадбиркор қимматли қоғозлар билан боғлиқ фирибгарликда айбдор деб топилганидан сўнг бир ой ўтгач, юз берди.
Бошланғич нарх 1 долларни ташкил этди. Бир соат ичида 100 та таклиф келиб тушди, нарх эса 55 минг долларгача ўсди. Айни пайтда альбомга тахминан 75 минг доллар таклиф қилишмоқда.
Шкрели аукциондан тушган пулнинг ярмини «тиббий тадқиқот»га беришни ваъда қилди. Тадбиркор таъкидлашича, у дискни пул учун сотаётгани йўқ.
Тадбиркор «АҚШдаги энг жирканч одам» сифатида машҳур. 2015 йилда у «Дараприм» дориси ҳуқуқини сотиб олди ва битта ҳапдори нархини 13,50 доллардан 750 долларгача кўтарди.
Изоҳ (0)