2018 йилда Шанхай марказидан 40 км масофада Shimao Wonderland Intercontinental — экстремал спорт турларига ихтисослашган мавзули боғ очилади, деб ёзади Forbes.
Қурилиш ишларини хитойлик миллиардер Сюй Жунмаонинг Shimao йирик девелоперлик компанияси олиб бормоқда. Мавзули боғ таркибида ер ости ва қисман сув ости меҳмонхонаси ишга тушади, бу ерда битта хона нархи 300 доллардан ошади.
Меҳмонхона 2010 йилда очилиши керак эди, аммо лойиҳа жуда мураккаб бўлиб чиқди. Муҳандислар ва қурувчилар кон тубидан сувни тортиб чиқариши, сўнг сунъий кўл яратиши керак эди. Бунёдкорлик ишлари 2013 йилда бошланди.
Ҳозир конструкциянинг асосий қисми тайёр бўлган, 19 қаватли бинонинг иккита юқори қавати ер устидан кўтарилди ҳам. 2017 йил охиригача меҳмонхонани қуриб битказиш режалаштирилмоқда, 2018 йилда эса у Intercontinental бошқаруви остида ишлашни бошлайди.
Изоҳ (0)