7 сентябрь куни Хитойнинг China Railway Tunnel Group ва China Coal Technology & Engineering Group Corp. консорциуми «Шарғункўмир» АЖнинг модернизацияси доирасида йирик инвестицион лойиҳасининг дастлабки тайёрлов ишларини бошлади, деб хабар берди «Ўзбекистон 24».
Тантанали тадбирда «Ўзбекистон темир йўллари» АЖ, China Railway Tunnel Group ва China Coal Technology & Engineering Group Corp. ҳамда ОАВ вакиллари ва жамоатчилик иштирок этди.
Эслатиб ўтамиз, шу йилда Ўзбекистон Республикаси Президенти Шавкат Мирзиёев «Шарғункўмир» АЖнинг модернизацияси» фармонини имзолаган эди. Лойиҳанинг умумий қиймати 94,5 миллион АҚШ долларини ташкил этади. Ушбу лойиҳанинг амалга ошириш ишлари 2020 йилнинг биринчи чорагида якунланиши кўзда тутилган.
Қайд этиш керак, ўтган йилда China Railway Tunnel Group компанияси ва «Ўзбекистон темир йўллари» акционерлик жамияти «Ангрен – Поп» электрлаштирилган темир йўл линиясининг қурилишини амалга оширган. Лойиҳанинг умумий қиймати 1,46 миллиард АҚШ долларини ташкил этганди.
Изоҳ (0)