4 сентябрь куни Uz–Kоr Gas Chemical қўшма корхонасининг буюртмасига биноан Қўнғирот тумани «Қирқ қиз» посёлкасида янги замонавий 384 ўринлик мактабнинг очилиш маросими бўлиб ўтди. Бу ҳақда Қорақалпоғистон хабар агентлигига асосланиб, «KRuz.uz» хабар берди.
Янгидан қурилган мактаб атрофида ландшафтли дизайн ўрнатилган, бошқа мактабларда учрамайдиган баҳоси 4 миллиард сўмга тенг бўлган спорт ядроси, замонавий спорт зали, ёғочдан газламалар ишлаб чиқариш станоклари, қизлар учун тикув машиналари ўрнатилган меҳнат хоналари, лингафон хонаси, 14 турдаги миллий асбоблар олиб келинган мусиқа хонаси, жами 22 та компьютер ўрнатилган 2 та информатика хонаси, кутубхона, 120 ўринга мўлжалланган фаоллар зали тўлиқ фойдаланишга тайёр.
2 миллион 680 минг АҚШ доллари сарфланган мазкур замонавий объект 6 ой давомида ENEP хориж корхонаси, Аlrut Build МЧЖнинг моҳир усталари томонидан сифатли қуриб битказилди. Объектда 200 дан ортиқ ишчи ва инженерлар тинимсиз иш олиб борди.
«Қирқ қиз» посёлка фуқаролар йиғинида 700 оилада 4 мингга яқин фуқаро яшайди. Шундан 500 га яқини мактаб ёшидаги болаларни ташкил этади.
Очилиш маросимида Қўнғирот тумани ҳокими Шарапрашид Темирбаев, Устюрт газ-кимё комплексининг директори Т.Жўраев иштирок этди.
Изоҳ (0)