Ўзбекистон республика товар-хом ашё биржаси жисмоний ва юридик шахсларга автомототранспорт воситалари учун рўйхатдан ўтказиш давлат рақами белгиларини оширилган тўлов ставкаларида сотиш бўйича янги савдо платформасини ишга туширди. Бу ҳақда биржа матбуот хизматига таяниб, UZ24 маълум қилади.
Электрон аукцион савдолар айни пайтда тест режимида ишга туширилган биржанинг «Avtoraqam.uzex.uz» янги веб-сайтида амалга оширилади.
Авторақамларни савдоларга қўйилиши ИИВ ЙҲХББ бўлинмаларининг масъул ходимлари томонидан амалга оширилмоқда. Уларни биржанинг ахборот тизимида ишлаш бўйича малакали ўқитиш мақсадида ЎзРТХБ ходимлари томонидан Тошкент шаҳри ва республиканинг ҳудудларига қисқа муддатли сайёр ўқув курслари ташкиллаштирилди.
«Электрон савдоларни янги механизми, биржанинг бошқа савдо платформалари каби очиқ-ойдинлик, ошкоралик, рақобат ва барча савдо иштирокчилари учун тенг шароит яратиш тамойилларига асосланган», — дея таъкидланади UZEX хабарида.
Айни пайтда 20 дан ортиқ авторақамлар онлайн-аукционга қўйилган. Улар орасида энг арзонининг бошланғич нархи 5 242 125 сўмдан бошланади. Бу энг кам иш ҳақининг 35 бараварига тенгдир. Шунингдек, бошланғич нархи энг кам иш ҳақининг 50 баравари (7 488 750 сўм) миқдорида бўлган авторақамлар ҳам онлайн-аукционга қўйилган.
Изоҳ (0)