Ravon R2 автомобили Россиядаги энг арзон хорижий автомобиллар рейтингида иккинчи ўринни эгаллади

Daily-Motor портали сентябрь ойида Россия бозорларида сотиладиган энг арзон бешта автомобиль рўйхатини тузиб тақдим этди, деб хабар берди «1news.uz».

Рўйхатга Хитойнинг 1,3 литрли двигателга эга ҳамда механик узатмалар қутиси ўрнатилган Lifan Smily хэтчбеки 369,9 минг рубль (6370 доллар) билан етакчилик қилмоқда.

Россияда сотилаётган энг арзон хорижий машиналар рўйхатининг иккинчи поғонасини Ravon R2 хэтчбеки банд этди. 85 от кучига эга 1,2 литрли двигатель ўрнатилган автомобилнинг нархи 439 минг рублдан (7560 доллар) бошланади.

Учинчи ўриндан эса Datsun on-DO седани (Япониянинг Nissan копманияси билан ҳамкорликда Lada Granta платформаси асосида ишлаб чиқарилган) эгаллади. 82 от кучига эга 1,6 литрли двигатель ҳамда механик узатмалар қутиси билан жиҳозланган седаннинг нархи 442 минг рублдан (7600 доллар) бошланади.

Тўртинчи ва бешинчи поғоналарни Хитойнинг Brilliance H230 (7900 доллар) ва FAW Oley (8400 доллар) седанлари эгаллади.