АҚШ президенти Дональд Трамп ёрдамчиларига мамлакатнинг Жанубий Корея билан эркин савдо келишувидан чиқиши юзасидан ҳужжатларни тайёрлашга кўрсатма берди. Бу ҳақда, The Washington Post нашрига таяниб, «ТАСС» хабар бермоқда.
АҚШ ва Жанубий Корея ўртасида KORUS номли эркин савдо келишуви мавжуд.
Айтилишича, KORUS’нинг бекор этилиши ҳақида кейинги ҳафтада эълон қилиниши мумкин.
Трампнинг ёрдамчилари уни бу фикрдан воз кечишга ундамоқда. Улар орасида Пентагон раҳбари Жеймс Мэттис, миллий хавфсизлик бўйича президент ёрдамчиси Герберт Макмастер ва давлат раҳбари ҳузуридаги Миллий иқтисодий кенгаш раҳбари Гэри Кон бор.
Улар келишувнинг бекор қилиниши Сеул билан савдо урушини келтириб чиқариши мумкинлигини айтмоқда.
Изоҳ (0)