Тошкент шаҳридаги Инҳа университети (IUT) профессорлари Ашиш Сет ва Кирти Сет India Excellence Summit 2017 мукофотини қўлга киритди. Бу ҳақда Инҳа университетининг матбуот хизмати хабар берди.
India Excellence Summit ўзлари меҳнат қилаётган соҳанинг ривожига ҳисса қўшаётган ўқув юртлари, академиклар, тадбиркорлар, ёш профессорлар ва сервис ташкилотларини аниқлашга қаратилган.
Доктор Ашиш Сет ҳамда доктор Кирти Сет «Таълим» йўналишидаги «Энг истиқболли педагог» ва «Энг истиқболли аёл-педагог» номинациясидаги мукофот соҳибларига айланишди. Мазкур категорияда 130 нафардан ортиқ номзодлар қатнашган эди.
Ашиш Сет ва Кирти Сет мазкур мукофот билан юқори малакали талабаларни тайёрлашга қўшган ҳиссалари учун тақдирланишди.
Мен профессорларимиз Ашиш Сет ва Кирти Сетларни бу мукофот билан табриклайман. Мазкур мукофотлар бизнинг олий ўқув юртимизда берилаётган таълим юқори даражада эканлигининг ўзига хос бир индикаторидир. Бизда ана шундай юқори малакали профессорлар таълим беришаётганлиги ҳамда ўз билимларини ёшларимизга улашаётганлиги билан фахрланамиз.Доктор Ашиш Сет ва доктор Кирти Сет компьютерлар фани соҳасидаги профессорлар ҳисобланишади. Кўп йиллик иш тажрибасига эга. Тошкент шаҳридаги Инҳа университетидаги ўз фаолиятларини 2016—2017-ўқув йилидан бошлашган.Сарвар Бобохўжаев, IUT ректори
Изоҳ (0)